വായിക്കുക
അഭിപ്രായങ്ങളും നിര്ദ്ദേശങ്ങളും
രേഖപ്പെടുത്തുക..
Friday, November 30, 2007
Monday, November 26, 2007
വേദത്തിന്റെ വിഷയക്രമത്തിലുള്ള വിഭജനം.
പ്രതിപാദിക്കപ്പെട്ട വിഷയത്തിന്റെ അടിസ്ഥാനത്തില് ഓരോ വേദത്തെയും പലപ്രകാരത്തില് വിഭജിക്കാറുണ്ട്. വിധിനിഷേധാത്മകമായ വേദത്തിന്റെ പൂര്വ്വഭാഗത്തെ കര്മ്മകാണ്ഡമെന്നും ആത്മജ്ഞാനത്തെ ഉപദേശിക്കുന്ന ഉത്തര ഭാഗത്തെ ജ്ഞാനകാണ്ഡമെന്നും വിഭജിക്കുന്നതാണ് ഇതില് ഒന്ന്. സംഹിത, ബ്രാഹ്മണം, ആരണ്യകം, ഉപനിഷത്ത്, എന്നിങ്ങനെ നാലായി വിഭജിക്കുന്നതാണ് മറ്റൊരു ക്രമം.പ്രായേണ ദേവതകളെപ്പറ്റിയുള്ള സ്തുതികളാണ് സംഹിതാഭാഗത്തുള്ളത്. പ്രായേണ മന്ത്രങ്ങളുടെ ഗൂഢാര്ത്ഥം വ്യക്തമാക്കുന്നതും യജ്ഞാനുഷ്ടാനങ്ങളുടെ വിധിവിധാനങ്ങള് നിര്ദേശിച്ചിരിക്കുന്നതുമായ ഭാഗം ബ്രാഹ്മണം. പ്രായേണ ഉപാസനാപരങ്ങളായ വിഷയങ്ങളാണ് ആരണ്യകത്തിലുള്ളത്. ഇവിടെയെല്ലാം പ്രായേണ എന്നു പറഞ്ഞത് ഇതിലെല്ലാം നിഗൂഢങ്ങളായ തത്ത്വപ്രതിപാദനം ചെയ്യുന്ന മന്ത്രഭാഗങ്ങളും ഉണ്ടെന്നതിനാലാണ്. ജീവേശ്വരൈക്യരൂപമായ ജ്ഞാനത്തെ ഉപദേശിക്കുന്ന ഭാഗമാണ് ഉപനിഷത്തുക്കള്. വേദത്തിന്റെ താല്പര്യനിര്ണ്ണയം ചെയ്യുന്ന ഭാഗമായതിനാല് ഉപനിഷത്തുക്കളെ വേദാന്തം എന്നും വിളിക്കുന്നു. ഓരോ വേദശാഖയക്കും ഒന്നെന്ന തോതില് 1180 ഉപനിഷത്തുക്കള് ഉണ്ടായിരുന്നു. ഇവയില് 108 എണ്ണം പ്രധാനങ്ങളാണ്. ഇതില് തന്നെ ദശോപനിഷത്തുക്കളാണ് പ്രധാനങ്ങള്. ഈശോവാസ്യോപനിഷത്ത്, കേനോപനിഷത്ത്, കഠോപനിഷത്ത്,പ്രശ്നോപനിഷത്ത്, മുണ്ഡകോപനിഷത്ത്, മാണ്ഡൂക്യോപനിഷത്ത്, ബൃഹദാരണ്യകോപനിഷത്ത്. എന്നിവയാണവ. മുന്പറഞ്ഞ വിഭജനക്രമത്തില് സംഹിത, ബ്രാഹ്മണം, ആരണ്യകം, എന്നിവ കര്മ്മകാണ്ഡത്തില്പ്പെടുന്നു. ജ്ഞാനകാണ്ഡം, ഉപനിഷത്ത് തന്നെ.
കടപ്പാട്: ശ്രീമദ് ചിദാനന്ദപുരി സ്വാമികള്, അദ്വൈതാശ്രമം, കൊളത്തൂര്.
കടപ്പാട്: ശ്രീമദ് ചിദാനന്ദപുരി സ്വാമികള്, അദ്വൈതാശ്രമം, കൊളത്തൂര്.
Wednesday, November 21, 2007
വേദത്തിന്റെ ഗ്രന്ഥക്രമത്തിലുള്ള വിഭജനം
അറിവെന്ന രൂപത്തില് വേദം ഏകമാണെങ്കിലും അറിവിനെ പ്രതിപാദിക്കുന്ന ഗ്രന്ഥരാശി എന്ന നിലയില് വേദം നാലായി വിഭക്തമാണ്. ഋക്, യജുസ്, സാമം, അഥര്വ്വം എന്നിവയാണവ. യജുര്വ്വേദത്തിന് കൃഷ്ണയജുര്വ്വേദമെന്നും ശുക്ലയജുര്വ്വേദമെന്നും രണ്ടുഭാഗങ്ങളുണ്ട്.
Tuesday, November 20, 2007
വേദ ലക്ഷണം
വേദ ലക്ഷണം : സ്വതവേ വേദം ഏകരൂപമാണെങ്കിലും വേദത്തിന് മൂന്ന് ലക്ഷണങ്ങളുണ്ട്.
(i) ഋക് - ശ്രുതി പ്രധാനവും ഛന്ദോരൂപവുമായ മന്ത്രഭാഗം (ii) യജുസ് - യജ്ഞപ്രധാനവും പ്രായേണ ഗദ്യ രൂപവുമായ മന്ത്രഭാഗം (iii) സാമം -ഗാനപ്രധാനമായമന്ത്രഭാഗം
ഈ വേദം സ്വതവെ ഈശ്വരനില്നിന്നുതന്നെ ആവിര്ഭവിച്ചതാകുന്നു. ഋഷിമാര് - മന്ത്രദ്രഷ്ടാക്കള് - ആയതിനെ ദര്ശിച്ചു.
(i) ഋക് - ശ്രുതി പ്രധാനവും ഛന്ദോരൂപവുമായ മന്ത്രഭാഗം (ii) യജുസ് - യജ്ഞപ്രധാനവും പ്രായേണ ഗദ്യ രൂപവുമായ മന്ത്രഭാഗം (iii) സാമം -ഗാനപ്രധാനമായമന്ത്രഭാഗം
ഈ വേദം സ്വതവെ ഈശ്വരനില്നിന്നുതന്നെ ആവിര്ഭവിച്ചതാകുന്നു. ഋഷിമാര് - മന്ത്രദ്രഷ്ടാക്കള് - ആയതിനെ ദര്ശിച്ചു.
Monday, November 19, 2007
വേദം
വിദ് ജ്ഞാനേ, വിദ് ലാഭേ, വിദ് വിചാരേണ, വിദ് സത്തായാം എന്നീ നാല് ധാതുക്കളില് നിന്നും വേദ ശബ്ദം സിദ്ധമാക്കാം. ജ്ഞാനം, പരമമായ ലാഭം, വേദവാക്യങ്ങളുടെ വിചാരത്തിലൂടെ അറിയേണ്ടുന്നത്, അസ്തിത്വം എന്നിങ്ങനെ അവയ്ക്ക് യഥാക്രമം അര്ത്ഥങ്ങള്. ഈ വേദം ആരും തന്നെ ഉണ്ടാക്കിയതല്ല. സ്വതവേ ഉള്ളതാണ്. അനാദിയും അപൗരുഷേയവുമായ ജ്ഞാനത്തെ മന്ത്രദ്രഷ്ടാക്കളായ ഋഷിവര്യന്മാര് ദര്ശിക്കുകയാണ്, കണ്ടെത്തുകയാണ് ചെയ്യ്തത്.
ധര്മ്മം എന്നാല് എന്ത്?
ധൃഞ് ധാരണപോഷണയോഃ എന്ന ധാതുവില്നിന്നും നിഷ്പന്നമാവുന്ന പദം. ലോകത്തിന്റെ നിലനില്പ്പിനും മനുഷ്യജീവിതത്തിന്റെ ലക്ഷിയപ്രാപ്തിക്കും വേണ്ടി നാമെല്ലാം ധരിക്കേണ്ടുന്ന മൂല്യങ്ങളുടെ ആകെത്തുകയ്ക്ക് ധര്മ്മമെന്ന് പറയാം (ധാരണാദ് ധര്മ്മ). അതുപോലെ വ്യത്യസ്ത ഗുണഘടനകളോടും സ്വഭാവവിശേഷങ്ങളോടും കൂടിയ നാമൊക്കെയും യാതൊന്നിലാണോ ഒന്നായി, ഒരു സമൂഹമായി നിലനിര്ത്തപ്പെടുന്നത് അതാകുന്നു ധര്മ്മം. (ധ്രിയതേ അനേന ഇതി ധര്മ്മ)
ധര്മ്മത്തിന്റെ അടിസ്ഥാനം വേദമാകുന്നു. വേദോഖിലോ ധര്മ്മമൂലം എന്നു മനുസ്മൃതി. വേദത്തിന്റെ അടിസ്ഥാനത്തിലുള്ള ധര്മ്മമാകുന്നു വൈദികധര്മ്മം. ഒരിക്കലും നശിക്കാത്തതിനാല് ഇതിനെ സനാതനധര്മ്മം എന്നു പറയുന്നു. ഈ സനാതനധര്മ്മം തന്നെയാണ് ഹിന്ദുധര്മ്മം എന്നറിയപ്പെടുന്നത്. ഹിന്ദുക്കള് എന്നുവിളിക്കപ്പെട്ടത് ഭാരതത്തിലെ ജനതയാണ്.
വടക്ക് ഹിമാലയം മുതല് തെക്ക് ഇന്ദു സമുദ്രം വരെയുള്ള ഭൂഭാഗത്തിന് ഹിന്ദുസ്ഥാനം എന്നു പറയുന്നു. ഹിന്ദുസ്ഥാനത്ത് വസിക്കുന്നവര് ഹിന്ദുക്കളായും അറിയപ്പെടുന്നു. ഇപ്രകാരമാണ് ആ പേര് വന്നതെന്ന് ഒരു പക്ഷം. അതല്ല സിന്ധുനദിയോടനുബന്ധിച്ച് വസിച്ച ജനവിഭാഗങ്ങളാണ് ഹിന്ദുക്കളെന്നു വിളിക്കപ്പെട്ടതെന്ന് വേറൊരുപക്ഷം. ഏതായാലും വൈദികധര്മ്മത്തില് വസിക്കുന്നവരെയാണ് ഹിന്ദുക്കള് എന്നു പറയുമ്പോള് നാം വിവക്ഷിക്കുന്നത്. അങ്ങനെ ഭാരതത്തില്-ഹിന്ദുസ്ഥാനത്തില് പ്രചരിച്ചതും ഇവിടെ നിന്നും ലോകമാസകലം പ്രസരിച്ചതുമായ വൈദികധര്മ്മത്തെ നാം ഹിന്ദു ധര്മ്മം എന്നുപറയുന്നു.
ധര്മ്മത്തിന്റെ അടിസ്ഥാനം വേദമാകുന്നു. വേദോഖിലോ ധര്മ്മമൂലം എന്നു മനുസ്മൃതി. വേദത്തിന്റെ അടിസ്ഥാനത്തിലുള്ള ധര്മ്മമാകുന്നു വൈദികധര്മ്മം. ഒരിക്കലും നശിക്കാത്തതിനാല് ഇതിനെ സനാതനധര്മ്മം എന്നു പറയുന്നു. ഈ സനാതനധര്മ്മം തന്നെയാണ് ഹിന്ദുധര്മ്മം എന്നറിയപ്പെടുന്നത്. ഹിന്ദുക്കള് എന്നുവിളിക്കപ്പെട്ടത് ഭാരതത്തിലെ ജനതയാണ്.
വടക്ക് ഹിമാലയം മുതല് തെക്ക് ഇന്ദു സമുദ്രം വരെയുള്ള ഭൂഭാഗത്തിന് ഹിന്ദുസ്ഥാനം എന്നു പറയുന്നു. ഹിന്ദുസ്ഥാനത്ത് വസിക്കുന്നവര് ഹിന്ദുക്കളായും അറിയപ്പെടുന്നു. ഇപ്രകാരമാണ് ആ പേര് വന്നതെന്ന് ഒരു പക്ഷം. അതല്ല സിന്ധുനദിയോടനുബന്ധിച്ച് വസിച്ച ജനവിഭാഗങ്ങളാണ് ഹിന്ദുക്കളെന്നു വിളിക്കപ്പെട്ടതെന്ന് വേറൊരുപക്ഷം. ഏതായാലും വൈദികധര്മ്മത്തില് വസിക്കുന്നവരെയാണ് ഹിന്ദുക്കള് എന്നു പറയുമ്പോള് നാം വിവക്ഷിക്കുന്നത്. അങ്ങനെ ഭാരതത്തില്-ഹിന്ദുസ്ഥാനത്തില് പ്രചരിച്ചതും ഇവിടെ നിന്നും ലോകമാസകലം പ്രസരിച്ചതുമായ വൈദികധര്മ്മത്തെ നാം ഹിന്ദു ധര്മ്മം എന്നുപറയുന്നു.
Friday, November 16, 2007
ഹിന്ദുമതം
ഹിന്ദുമതത്തിലെ മൂന്നുതത്ത്വങ്ങള് ഈശ്വരനിലും, വേദങ്ങള് വെളിപാടെന്നതിലും, കര്മ്മപുനര്ജ്ന്മങ്ങളിലുമുള്ള വിശ്വാസമാണ്.
ഹിന്ദുമതവും മറ്റുമതങ്ങളും തമ്മിലുള്ള ഒരു വ്യത്യാസം ഇതാണ്.. ഹിന്ദുമതത്തില് നാം സത്യത്തില് നിന്നു സത്യത്തിലേക്ക്- താഴ്ന്ന സത്യത്തില് നിന്നു ഉയര്ന്ന സത്യത്തിലേക്ക് ആണ് നീങ്ങിക്കൊണ്ടിരിക്കുന്നത്. അല്ലാതെ ഒരിക്കലും അസത്യത്തില് നിന്നും സത്യത്തിലേക്കല്ല.
സ്വാമി വിവേകാനന്ദന്.
കടപ്പാട്: വിവേകാനന്ദ സൂക്തങ്ങള്.
ഹിന്ദുമതവും മറ്റുമതങ്ങളും തമ്മിലുള്ള ഒരു വ്യത്യാസം ഇതാണ്.. ഹിന്ദുമതത്തില് നാം സത്യത്തില് നിന്നു സത്യത്തിലേക്ക്- താഴ്ന്ന സത്യത്തില് നിന്നു ഉയര്ന്ന സത്യത്തിലേക്ക് ആണ് നീങ്ങിക്കൊണ്ടിരിക്കുന്നത്. അല്ലാതെ ഒരിക്കലും അസത്യത്തില് നിന്നും സത്യത്തിലേക്കല്ല.
സ്വാമി വിവേകാനന്ദന്.
കടപ്പാട്: വിവേകാനന്ദ സൂക്തങ്ങള്.
Subscribe to:
Comments (Atom)
